bloomin tractor!

unfortunatly da big grumpy boss o da kiwi place charged me fir da tractor accident! he wis gonna charge me da full amount o 340 dollars but his boy, wha wis my supervisor pesuaded him tae charge me twa hundred. he wisna very pleased aboot it an thought i shouldna hiv tae pay onything, but his dad wisna shiftin an i dunna really see wit mare i could do aboot it! i dunna understand why dey dunna hiv insurance tae cover yun kinda thing. especially seein as dey employ a lot o folk tae drive aboot on dem? da boy kent i wisna a nutter drivin aboot lik a maniac an dat it wis a crazy accident but i think da dad just saw da damage. i mean i suppose at da end o da day it wis my fault an my responsibility but it still sucks.
si just passed his instructors test today! which is great, he needs somebody tae employ him tae be under supervision for 6 months before he can be fully qualified tae instruct or somethin. an he doesna get paid fir his supervision months, which is crazy!
Finished pickin now fir good, which is really great. it wis such hard work. it ll be nice tae play fir a while. wis wirkin on da van daday wi wan o da lads fae kirk. Made it so you can prop da mattress up tae da seated positon so dat you can sit an read a book or whatever usin twa bits o ply. Dan i got an old splashback board fae a shower or somethin for 5 bucks. Im cut dat tae fit on da back o da bed frame. so when da mattress is raised in da seat position you can cook at da back an wash up an stuff. The splash back material means when your finished you can just wipe it clean! i got it fae da reycyclin centre.
Da reycyclin centre here is amazin! its da kind o place you wish you could hiv in yer back garden! ken yun feelin you get whar you hiv somethin lik a jar or a few bolts or an old kettle, an you think...dis might come in handy wan day....mibee i should keep it? but ders nae whar tae keep it? DATS da reycyclin centre! its full o bruck! its heaven. whitever you could need fir ony job, i bet you could fin it der fir a few dollars! cups, plates, cutlery, boooks, records, clocks, tools, shoes, washin machines, ice skates, skis, bikes, furniture, wood, bits o cars! its probably exactly lik squeeky bobs hoose! i didna fin ony decent plywid der but i managed tae scran some fae somewhar fir nithin!;) i wis more dan pleased wi da splashback board! i thought i could use some hardboard an mibee cover it wi lyno or somethin, i didna expect tae fin a board a few mill thick wi a water proof top! perfect.
i got twa chrome hub caps fae der too fir fifty cents each! noo i hiv a different hub cap on each wheel! genius.
i heard rhona wouldna tak dee tae da recyclin centre dad, she telt me du wid hiv bought loads o bruck! imagine. da cheek eh? well, i go der aa da time! haha. ill buy da bruck fir dee! i bought a meat cleaver da idder day.......